O estrés
laboral e a trasfega da vida nas grandes cidades leva cada vez a máis
persoas a considerar a posibilidade de destina-las súas vacacións a unha
cura de repouso nun balneario.
Estes establecementos
deixáronse de imaxinar como lugares só reservados para persoas maiores e
convertéronse en destinos de luxo, que ofrecen unha variada
oferta de lecer alternativo. Romanos e árabes legaron á provincia termas
e baños de tanto prestixio como os de Alhama de Granada,
Graena e
Alicún
de las Torres; e as
propiedades medicinais da auga de Lanjarón son coñecidas en todo o país.
Xunto a estes balnearios tradicionais, nos últimos años abriron na capital granadina varios balnearios de luxo (spa) e centros de tratamento con auga. Así e todo, a oferta máis innovadora e atractiva chegou da man dos modernos baños árabes, dous establecementos existentes na capital que recuperan o gusto pola auga dos antigos poboadores da cidade. Decorados con azulexos e xesarías que imitan os Baños Reais da Alhambra, manteñen a típica estructura destes establecementos, con salas frías, tempadas e quentes. Neles pódese gozar, ademais do relaxante baño, de masaxes e té mouro con especias.
© Padroado Provincial de Turismo de Granada Deputación de Granada.
